Tuloy pa rin ang mga proyekto ng pamahalaan sa pabahay para sa mga mahihirap na Pilipino.
Ito ang pagtitiyak ng Malacañang sa kabila ng pagkalas ni Vice President Leni Robredo sa gabinete bilang chairperson ng Housing and Urban Development Coordinating Council o HUDCC.
Ayon kay Presidential Communications Secretary Martin Andanar, kapwa iisa lamang ang layunin ng pangulo at ni Robredo na makatulong sa mahihirap na Pinoy.
Gayunman, inamin din ni Andanar na matagal nang mayruong hindi pagkakaunawaan sina Pangulong Duterte at VP Leni sa iba’t ibang usaping panlipunan kaya’t hindi masabi ng kalihim kung sinibak o kusang nagbitiw si Robredo sa gabinete.
By Jaymark Dagala
