Handa ang suspected druglord na si Kerwin Espinosa na sumailalim sa Witness Protection Program (WPP).
Ito ang kinumpirma ni Justice Secetary Vitaliano Aguirre base na naging kahilingan ni Kerwin kay Philippine Ambassador to the United Arab Emirates Constancio Vingno Jr.
Ayon kay Aguirre, kinakailangan na mag-execute ni Kerwin ng affidavit na siyang magiging basehan kung isasailalim ito sa WPP.
Sakaling maisailalim sa Kerwin sa Witness Protection Program ay ilalagay rin ang kanyang pamilya sa ilalim nito.
Samantala, inaasahang maiuuwi na si Kerwin sa Pilipinas sa susunod na linggo.
Ayom kay Aguirre, sa Linggo Nobyembre 13 ay tutulak na patungong UAE ang isang team mula sa Philipine National Police (PNP) para ayusin ang papeles ni Espinosa pauwi sa bansa.
By Rianne Briones | Bert Mozo (Patrol 3)
