Patay ang walong (8) indibidwal habang sugatan ang mahigit sa 100 sa pagsabog ng isang car bomb sa south eastern Turkey.
Ayon kay Prime Minister Binali Yildirim, naganap ang pagsabog ilang oras matapos ikulong ng mga pulis ang mga lider ng pinakamalaking political party sa Kurdish Region.
Naganap ang pagsabog malapit sa police station sa Diyarbakir kung saan iniimbestigahan ang ilang party leaders na may kaugnayan sa terorismo.
Sinabi ng tagapagsalita ng Pro-Kurdish Peoples’ Democratic Party (HDP), na ang pagkakakulong ng dalawang lider at siyam na mga mambabatas ay maaaring pagsimulan ng civil war.
By Mariboy Ysibido
Photo Credit: Reuters
