Papalitan ng mobile checkpoints ang binuwag na fixed checkpoints sa iba’t ibang panig ng bansa.
Ayon kay Senior Supt. Dionardo Carlos, Spokesman ng PNP, kumbinsido ang PNP na mas magiging epektibo ang mobile checkpoints kumpara sa mga fixed checkpoints na inaasahan na rin naman ng mga kriminal.
Una rito, ipinag utos ni Pangulong Rodrigo Duterte ang pagbuwag sa mga checkpoints dahil nakakaabala lamang ito sa Pilipino.
Matatandaan na itinatag ang security checkpoints makaraan ang pambobomba sa night market ng Davao City.
By Len Aguirre | Ratsada Balita
