Patay ang 7 katao sa isinagawang anti-illegal drugs operations sa Islamic Center sa Quiapo, Maynila.
Kabilang sa mga nasawi ayon kay Manila Police District (MPD) Director Senior Supt. Joel Coronel si Barangay Chairman Sultan Paes Macabato na isa sa mga target ng search warrant at nagsisilbi umanong coddler ng mga sangkot sa droga sa naturang area.
Dalawang barangay kagawad din ang napatay sa nasabing operasyon.
Nakuha rin sa operasyon ang mga armas, granada, halos 60 sachet ng shabu at marijuana.
Inaresto rin sa tinaguriang one time big time operation sa Muslim Center ang halos 200 katao.
Bumisita na sa nasabing area si Manila Mayor Joseph Estrada.
Bahagi ng pahayag ni MPD Director Sr. Supt. Joel Coronel
By Judith Larino | Aya Yupangco (Patrol 5)
