Umalma ang China, sa naging pahayag ng Pangulong Noynoy Aquino, na maaaring maihalintulad sa Nazi, ang ginagawang panggigipit ng China sa West Philippine Sea.
Ayon kay Foreign Ministry Spokeswoman Hua Chunying, hindi totoo ang pahayag ng Pangulong Aquino, at kung titingnan ang kasaysayan, makikitang Pilipinas ang lumalabag sa batas.
Giit ni Hua, Pilipinas ang iligal na sumakop sa mga isla at bahura sa West Philippine Sea, kabilang na ang Spratly Islands, Paracel Islands, at Scarborough Shoal.
Hinimok din ni Hua ang Pangulo na bumalik na lang sa Bilateral Channels upang magkaayusan ang dalawang bansa.
By Katrina Valle | Kevyn Reyes
