Ibinunyag ng militar na nag-rerecruit ng mga bagong miyembro ang Abu-Sayyaf sa pamamagitan ng illegal na droga.
Ayon kay joint task force Sulu spokesman Col Rodrigo Gregorio, unang inaalok ng Abu-Sayyaf ng libreng shabu ang mga kabataan, at oras na ma adik na ang mga ito, ay hihikayatin na sumali sa grupo upang masustine ang kanilang bisyo.
Napatunayan anya nila ito batay sa testimonya ng mga narescue nilang mga hostages.
Ito aniya ang dahilan kung bakit parang walang-katakot-takot na mamatay sa pakikipaglaban ang mga nakaka-enkwentrong Abu Sayyaf ng mga militar.
Dagdag pa ni Gregorio, sa bawat enkwentro ng militar sa mga bandido, ay nakaka-recover sila ng mga drug paraphernalia sa lugar ng insidente.
Malakas aniya ang indikasyon na nakikipag-sabwatan ang Abu-Sayyaf sa mga malalaking sindikato ng droga, at ang kita mula dito ay ginagamit ng grupo sa kanilang mga operasyon
By: Avee Devietre / Jonathan Andal
