Nangangamba ang ilang pasyente ng Muntinlupa Medical Center dahil sa presensya ruon ng tatlong high profile inmates ng New Bilibid Prison na sugatan sa saksakan o riot sa Building 14 ng NBP
Nabatid na halos sabay na nagpalipat ng silid ang ilang pasyente na katabi ng kuwarto nina Jaybee Sebastian, Peter Co at Vicente Sy
Nananatiling bukas naman ang mga pintuan ng kuwarto ng mga inmates na mahigpit na binabantayan ng Special Action Force na nasa pasilyo rin ng mga hagdanan
Kasabay nito ipinabatid ni Dr Uriel Halum, administrator ng MMC na limitado lamang sa Apat na bisita ang pinapayagang kamag anak ng mga bilanggo
Mahigpit ang ipinatutupad na seguridad maging sa mga kaanak ng mga inmates na kinakailangan munang humingi ng permit mula sa NBP
By: Judith Larino / Allan Francisco
