Minaliit ng Malacañang ang bantang pagpapatalsik kay Pangulong Rodrigo Duterte.
Kasunod ito ng pagkumpirma ni Presidential Communications Secretary Martin Andanar na may isang grupo ng mga Filipino – American ang nagpaplano para sa Oust Duterte Movement na ilalarga sa January 2017.
Ayon kay Andanar, malabong magtagumpay ang planong pagpapatalsik sa Pangulo dahil malakas ang suporta dito ng taong bayan, patunay na lamang ang 91 percent na approval rating nito.
Mismong si Pangulong Duterte ang nagsabi na mga tagasuporta umano ng mga dilawan ang kumikilos para maalis siya sa puwesto.
By Rianne Briones
