Nakataas na ang public storm signal number 1 sa lalawigan ng Batanes dulot ng bagyong Gener.
Huling namataan ng PAGASA ang bagyo sa layong 495 kilometro silangan, hilagang silangan ng Tuguegarao City sa Cagayan.
Taglay pa rin ng bagyong Gener ang lakas ng hanging aabot sa 140 kilometro bawat oras malapit sa gitna at may pagbugsong aabot naman sa 170 kilometro bawat oras.
Bahagyang bumilis ang bagyong Gener sa 24 na kilometro bawat oras habang tinutumbok ang direksyon pa-hilagang kanluran.
Dahil dito, ibinabala ng PAGASA ang mga pag-ulan sa bahagi ng Luzon bunsod ng hanging habagat na hinihila ng bagyo.
By Jaymark Dagala
