Kinumpirma ng embahada ng China sa Maynila ang presensya ng mga Chinese ship at mga fishing boat sa karagatan malapit sa Panatag Shoal.
Ayon sa Chinese Embassy, nagsasagawa lamang ng law enforcement patrols ang mga coast guard vessel sa lugar.
Gayunman, binigyang diin ng embahada na walang nagaganap na dredging o building activities sa nabanggit na rehiyon.
Maliban dito, itinanggi rin ng Chinese Embassy na nagkausap sina Chinese Ambassador Zhao Jianhua at Defense Secretary Delfin Lorenzana.
Wala rin umanong katotohanan na may nagaganap na paglilipat ng buhangin at maaaring na-misquote lamang ng media si Lorenzana.
By Jelbert Perdez
