Makakatuwang na ng National Capital Region Police Office ang militar sa pagtiyak ng seguridad sa Metro Manila.
Ito ay matapos ideklara ng PNP ang nationwide full alert matapos ang pambobomba sa Davao City noong Biyernes.
Ayon kay NCRPO Chief, Dir. Oscar Albayalde, 150 sundalo ang isasama sa pwersa ng mga pulis sa pagbantay sa mga tinaguriang vital installation.
Pangunahin anyang babantayan ng mga sundalo ang mga pantalan, paliparan at bus terminal.
Nilinaw naman ni Albayalde na hindi isasama sa mga checkpoint ang mga sundalo maging sa mga pag-papatrolya.
By: Drew Nacino
