Isasama ng Department of Education o DepEd sa K-to-12 curriculum ang sexuality education.
Maliban dito, sinabi ni DepEd Secretary Leonor Briones na isusulong din nila ang pagtuturo ng drug education, environmental awareness at disaster preparedness.
Sa pagdinig ng kongreso para sa 2017 budget ng DepEd, nilinaw ni Briones na palalakasin pa nila ang drug education program sa pamamagitan ng alternative learning methods simula sa Grade 4.
Tanging ang DepEd ang may pinakamalaking budget proposal sa lahat ng mga cabinet office para sa susunod na taon na papalo sa 566.2 billion pesos, kabilang na rito ang 23.9 billion pesos na automatic appropriations.
By Jelbert Perdez
