Welcome sa pamunuan ng Armed Forces of the Philippines ang pagtulong ng Moro National Liberation Front o MNLF sa pagdurog sa Abu Sayyaf Group.
Inihayag ito ni Western Mindanao Command Spokesman Major Felimon Tan matapos mapatay ng bandido ang labing-limang sundalo sa engkwentro noong Lunes.
Sinabi ni Tan sa ngayon ay nakahanda silang tanggapin ang anumang tulong mula sa iba’t ibang grupo para mas mapabilis ang pagsugpo sa bandidong grupo na nagkukuta ngayon sa Sulu.
Tinatayang nasa pitong libong sundalo ang nagsasagawa ng search and destroy operations laban sa Abu Sayaff.
By: Meann Tanbio / (Reporter No. 31) Jonatahn Andal
