Ilalahad at idedetalye ni Senador Panfilo Lacson sa kanyang privilege speech sa Senado ang mga nakita niyang pork barrel fund sa panukalang pambansang pondo para sa susunod na taon.
Ayon kay Lacson, maituturing na pork barrel ang mga proyektong tinukoy at ipinalista ng mga mambabatas upang pondohan ng ehekutibo.
Ipinaraan aniya ang mga proyekto sa iba’t ibang ahensya ng gobyerno tulad ng Department of Public Works and Highways (DPWH), Department of Agriculture, Department of Health at National Irrigation Administration na siyang tatayong implementing agencies.
Dismayado naman ang senador dahil tanging siya lamang ang pumapalag sa nasabing usapin bagama’t walang senador ang nagpalista ng kanilang mga proyekto.
By Jaymark Dagala | Cely Bueno (Patrol 19)
