Kinontra ni Father Robert Reyes ang privilege speech ni Senator Manny Pacquiao hinggil sa pagbuhay sa death penalty.
Ayon kay Reyes, kailangan pang pagbutihin ng senador ang pag-aaral sa Bibliya dahil ang ginagamit nitong batayan ay ang lumang tipan, gayung mayroon nang bagong tipan.
Binigyang diin ni Reyes na kailangang pagbutihin muna ang sistema ng hustisya sa bansa bago ibalik ang death penalty dahil tiyak na maraming maliliit na tao ang mabibitay.
Iginiit din ni Reyes na mahalagang makuntento na sa panghabang buhay na pagkabilanggo dahil mariing ipinagbabawal ng Diyos ang pagpatay.
By Katrina Valle | Aya Yupangco (Patrol 5)
