Inatasan ni Bureau of Customs commissioner Nicanor Faeldon ang paglikha ng isang komiteng tutuon sa pangongolekta upang mapataas ang kita ng ahensya.
Pangunahing layon ng Committee on Revenue Enhancement ang makamit ang 2016 revenue target na 498 Bilyong Piso.
Bubusisiin ng komite ang pangongolekta ng 17 collection district, matukoy ang mga problema sa pangongolekta at makapagmungkahi ng solusyon, at makalikha pa ng ibang istratehiya upang mapaigting pa ang koleksyon.
Matatandaang kulang ng higit sa 69 na bilyong piso ang koleksyon ng Bureau of Customs noong isang taon.
By: Avee Devierte
