Tumagal ng isang oras ang pag-uusap nina Pangulong Rodrigo Duterte at Senador Manny Pacquiao sa Malakanyang, Lunes ng gabi.
Ayon kay Pacquiao, kabilang sa kanilang napag-usapan ang pagsugpo sa iba’t ibang uri ng krimen sa bansa lalo na ang problema sa iligal na droga.
Hiniling aniya ng Pangulo ang pagpapasa ng batas ukol sa death penalty at suportado naman niya ito.
Hindi naman nababahala si Pacquiao sa sunud-sunod na pagpatay sa mga drug suspect.
Mas nababahala aniya siya sa kaligtasan ng kanyang mga anak kung hindi malulutas ang problema sa illegal drugs.
By: Meann Tanbio / (Reporter 19) Cely Bueno
