Nanawagan ang Islamic State of Iraq and Syria o ISIS sa lahat ng kanilang mga kasapi na maghasik ng karahasan at maglunsad ng mga pag-atake sa bansang Russia.
Sa 9-minutong video na ipinost sa Youtube, nagbanta ng isang ISIS leader na tutungo sa Russia upang patayin ang mga mamamayan ni Russian President Vladimir Putin.
Hindi naman malinaw pa sa ngayon kung bakit Russia ang susunod na target ng mga pag-atake ng ISIS.
Bineberipika pa ng mga kinauukulan ang authenticity ng naturang video.
Una rito, nagpahayag ang Russia at US na kanilang paiigtingin ang kanilang operasyon laban sa ISIS at Al Qaeda sa Syria.
By Ralph Obina
Photo Credit: ARA news
