Magiging bahagi ng pinakabagong season ng Amazing Race Asia sina dating It’s Showtime host Eric ‘Eruption’ Tai kasama ang asawang si Rona Samson at ang dating beauty queen na si Maggie Wilson ka-partner naman ang kapwa beauty queen na si Parul Shah.
Irerepresenta ng 2 pares ang Pilipinas sa nasabing show.
Sa Instagram post ni Eruption at ni Maggie ipinahayag nito na bagamat may takot ay excited na silang sumabak sa mga kakaharaping challenge sa show.
Ani Eruption mananatiling malaki ang kanyang motivation para manalo sa kumpetisyon.
Ang Amazing Race Asia ay isang reality show na nasa ikalimang season na nito.
Matatandaang nanalo ang Pilipinas sa 4th edition ng show kasama ang team nina Richard Hardin at Richard Herrera.
Ang 5th Season ay magsisimula na sa Agosto.
