Nagpatupad ng panibagong rollback sa presyo ng produktong petrolyo simula ngayong araw.
Ayon sa Department of Energy, epektibo alas-12:01 kaninang hatinggabi ang P0.35 na rollback ng Petron sa diesel habang P0.10 sa gasolina at P0.30 sa kerosene.
Diyes sentimos (P0.10) din ang ipinatupad na rollback ng Seaoil, Eastern Petroleum, Caltex at Flying V sa gasolina; P0.35 sa diesel at P0.30 sa kerosene.
Simula naman alas-6:00 ngayong umaga ay nagpatupad ng kahalintulad na tapyas presyo ang PTT Philippines habang tanging presyo ng gasolina at diesel lamang ang ini-rollback ng Phoenix.
By Drew Nacino
