Isang miyembro ng Airport Police Department o APD ang tinanggal sa puwesto dahil sa umano’y pangongotong.
Ipinag-utos ni Manila International Airport Authority (MIAA) General Manager Ed Monreal ang pagpapalipat kay Airport Police Officer 2 Joseph Aday sa tanggapan ng APD Manager.
Hindi naman idinetalye ni Monreal kung anong uri ng pangongotong ang ginawa ni Aday.
Kasabay nito, tatlo pang sibilyan na nagsisilbing “solicitors” ang nahuling naniningil naman ng mataas na fee sa mga pasahero sa Ninoy Aquino International Airport.
By Jelbert Perdez
