Pinasinayaan ng ALC Group of Companies ang panibagong sangay ng Plan Bank sa Meycauayan City sa lalawigan ng Bulacan.
Pinangunahan nila ALC Group of Companies Head D. Edgard Cabangon at Plan Bank President Dominga Ruffina Cabangon Chua ang inauguration para sa bagong sangay ng nasabing bangko.
Kasunod nito, sinabi ng Pangulo ng Plan Bank na si Dominga Cabangon Chua na target nilang mailapit sa mga maliliit na negosyante sa palengke ang serbisyong microfinance loan na may interest charge na limang porsyento kada buwan.
Ani Cabangon, dahil isang rural bank, mas madali at simple aniya ang mga requirements para sa naturang loan tulad ng barangay certificate, business clearance o permit at mga identification cards na inilabas ng gobyerno.
Aabot naman mula P5,000 hanggang P25,000 ang maaaring i-loan at huhulugan mula 25 linggo hanggang 8 buwan.
By Jaymark Dagala | Jonathan Andal (Patrol 31)
