Nilinaw ni Senate Blue Ribbon Committee Chairman Dick Gordon na tututukan sa susunod na pagdinig hinggil sa 6.4 billion Peso Shabu shipment ang tara o payola system sa Bureau of Customs.
Kabilang sa mga imbitado sa susunod na hearing sa Huwebes, Setyembre 17 sina Davao City Vice Mayor Paolo Duterte at bayaw nitong si Atty. Mans carpio.
Ayon kay Gordon, inaasahan na niyang mas magiging mataas kaysa mga ordinaryong mamamayan sina Duterte at Carpio dahil sa pagiging miyembro ng mga ito ng first family.
Pagkakataon na anya ito ng magbayaw na ipaliwanag at masagot ang mga issue kaugnay sa kanila umanong pagkakasangkot sa katiwalian sa Aduwana partikular sa Davao Group.
Iginiit ni Gordon na obligasyon nina Duterte at Carpio na magpaliwanag sa publiko hinggil sa kinasasangkutang issue.
By: Drew Nacino / Cely Bueno
SMW: RPE
