Maaaring paunlarin ng Pilipinas ang sarili nitong shipbuilding industry upang matiyak na magkakaroon ng kapabilidad ang militar na bantayan ang territorial waters ng bansa laban sa piracy at terorismo.
Ayon kay Senador Richard Gordon, ilan sa malalaking shipbuilder tulad ng Hanjin Heavy Industries sa Subic, Zambales ay nagtayo ng naglalakihang shipyard sa iba’t ibang bahagi ng bansa bilang pagkilala sa kakayahan ng mga Pilipino.
Ipinunto ni Gordon na mahalagang magkaroon ng kakayahan sa paggawa ng mga barko lalo’t isang archipelagic country ang Pilipinas.
Ito, aniya, ay dahil sa kinakaharap na internal at external threats sa national territory kabilang ang territorial dispute sa West Philippine Sea.
—-
