Target ng grupong Hukbong Federal ng Pilipinas na maisulong ang Revolutionary Government na nauna ng naging banta ni Pangulong Rodrigo Duterte.
Ayon sa convenor ng grupo na si Danny Mangahas, kailangan nilang makakuha ng 5,000,000 na lagda para iprisinta kay Pangulong Duterte.
Hinihimok din ng naturang grupo ang mga taga-suporta ni Pangulong Duterte para kumbinsihin ang Pangulo na magdeklara ng revolutionary government.
Maaari umano kasing abutin pa ng ilang taon ang isang Constitutional Convention o Constituent Assembly para mangyari ito.
Sa ngayon ay may 2,000 pirma na aniya silang nakalap hindi pa kabilang umano ang mga libu-libong pumirma sa kanilang website at Facebook page.
—-
