Pinababasura ng kumpaniyang Tiger Resort Leisure and Entertainment sa Department of Justice ang naunang resolusyon ng Parañaque City Prosecutor’s Office.
Ito’y makaraang ipawalang bisa ng piskalya ng Parañaque ang kasong estafa na inihain ng Tiger Resorts laban sa Japanese Gaming tycoon na si Kazuo Okada.
Batay sa inihaing petisyon ng Tiger Resorts sa DOJ, iginiit nilang nalabag ang kanilang karapatan para sa due process dahil sa ginawang pagbasura ng piskalya sa kaso gayundin ang hindi maagang pagpapalabas nito sa kopya ng resolusyon.
Naniniwala rin ang petitioner na nagkaroon ng administratibong pagabag ang piskalya dahil sa premature leakage o maagang pagpapalabas ng kopya ng resolusyon na naglagay sa naturang tanggapan sa alanganin.
Nag-ugat ang kaso ng Tiger Resorts kay Okada dahil sa sinasabing paglustay umano nito ng mahigit 10 Milyong Dolyar na pondong pagmamay-ari nito nuong mga taong 2016 hanggang 2017.
