Ipinagtanggol ni Queenie Padilla ang kanyang asawang Pakistani na si Usama Rashid Mir laban sa mga bashers nito.
Ito ay kaugnay sa discriminatory comments ng mga netizen sa asawa ni Queenie.
May ilan kasing nagsabing suicide bomber umano nito habang ang iba naman ay pinatungkulan ang impresyon ukol sa mabahong amoy nito.
Ayon kay Queenie kaya niyang tanggapin ang lahat ng mga masasakit na salita laban sa kanya ngunit hindi aniya ang mga mahal niya sa buhay.
Iginiit ni Queenie na hindi lang mga muslim ang mga suicide bomber.
Sa katunayan, labag aniya sa turo ng Islam ang terorismo.
Sa isyu naman ng pagiging mabaho, sinabi ni Queenie na anumang lahi ay babaho kapag hindi naligo.
Pero ang mas mabaho aniya ay mga humuhusga gaya ng kanyang mga basher.
By Ralph Obina
Photo Credit: Queenie Padilla Instagram
