Nanindigan ang Palasyo ng Malacañang na mas gumanda ang buhay ng mga Pilipino sa ilalim ng administrasyon ng Pangulong Noynoy Aquino.
Ayon kay Presidential Communications Secretary Sonny Coloma, mayroon silang hawak na patunay na naibalik na ang dignidad ng mga Pilipino.
Kapansin-pansin na din aniya ang paglawak ng social protection at ang pagkakatatag ng pundasyon para mapalago ang kabuhayan ng mga Pilipino.
Binigyang diin ni Coloma na nagtitiwala ang Palasyo sa patas na pananaw at matalinong pag-iisip ng mga botante, sa pagpili ng mga bagong lider na magtutuloy ng mga reporma sa bansa.
By Katrina Valle | Aileen Taliping (Patrol 23)
