Ipinagmalaki ni Labor Secretary Silvestre Bello na mas marami nang Pilipino ang naging regular sa kanilang trabaho ngayon.
Sa isinagawang 7th National Forum ng Philippine Association of Legitimate Service Contractors o PALSCON, sinabi ni Bello na patunay lamang ito na naipapanalo na ng bansa ang laban nito sa kontraktwalisasyon.
Umaasa si Bello na mas dadami pa ang bilang ng regular employees dahil sa Department Order No. 174 o ang pagbabawal sa paulit – ulit na pag re – renew ng kontrata ng mga empleyado matapos ang anim na buwang pagta – trabaho.
Sa huli, nagpasalamat si Bello sa PALSCON dahil sa kooperasyon nito sa pag – protekta sa kapakanan at karapatan ng mga manggagawa sa bansa.
