Nanindigan si 8-division World Champion Manny Pacquiao sa plano nitong pagreretiro matapos ang kanyang laban kay Timothy Bradley sa Abril.
Gayunman sa pakikipag-usap ni Pacquiao sa mga mamamahayag sa Wild Card gym, hindi naman iniaalis ng Pambansang Kamao ang posibilidad na muli itong bumalik sa pagboboksing kahit na nakapagretiro na.
Pero, nilinaw ni Pacquiao na hindi pa niya puspusang napag-iisipan ang tungkol dito kayat ayaw niya isara ang kanyang pintuan sa mga posibilidad.
Bastat ang sigurado aniya pagtapos ng laban ni kay Bradley ay uuwi na siya sa Pilipinas at maglilingkod sa mga Pilipino.
Ang bakbakang Pacquiao-Bradley ay gaganapin sa Las Vegas sa Abril 10, oras dito sa Pilipinas.
By Ralph Obina
