Nagmula umano sa ISIS ang bantang pag-atake sa ilang lugar sa Mindanao.
Ito ayon kay Senate Minority Floor Leader Franklin Drilon ang ipinabatid sa kanila ng Pangulong Rodrigo Duterte base na rin sa intelligence information na natanggap nito.
Kaugnay nito sinabi ni Drilon na nais ng Pangulo na magkaruon ng masusing kooperasyon o pakikipag-tulungan sa mga kalapit bansa tulad ng Indonesia para sa mas epektibong paglaban sa terorismo.
Sinabi pa ni Drilon na sa ibinigay na briefing sa kanila ng Pangulo lumilitaw na seryoso ang nadiskubreng banta ng teroristang grupo sa tatlong lugar sa Mindanao.
By Judith Larino / ulat ni Cely Bueno (Patrol 19)
