Kakailanganin ng National Capital Region Police Office o NCRPO ang tulong ng Bureau of Immigration o BI para matimbog ang mga tinaguriang ‘15-30’ cops.
Ayon ito kay NCRPO Director Oscar Albayalde matapos aniya silang makipag-ugnayan sa BI para matukoy ang mga pulis na nagtatrabaho sa ibang bansa at bumabalik lamang ng Pilipinas tuwing a-kinse o katapusan ng buwan para sumuweldo.
Sinabi ni Albayalde na may hawak na silang report hinggil sa mga nasabing pulis subalit lalakas ang kaso laban sa mga ito kung susuportahan ng mga dokumento mula sa BI.
Tiniyak ni Albayalde ang agarang paggsibak sa mga nasabing pulis kapag napatunayan ang naturang hakbang na hindi patas sa mga pulis na nasa bansa at ibinubuwis ang kanilang buhay sa paglaban sa kriminalidad.
—-
