Isang malaki at modernong barko mula sa Pransya ang gagamitin ng Philippine Coast Guard (PCG) sa pagpapatrolya sa West Philippine Sea at Benham Rise.
Dinaluhan ni Coast Guard Commandant Admiral Elson Hermogino ang pagpapasinaya sa barko na pinangalanang BRP Gabriela Silang sa Paris, France.
Ang BRP Gabriela silang ay isang 84-meter offshore patrol vessel na gawa ng French shipbuilder na Ocea.
Inaasahang darating sa bansa ang bagong barko ng Coast Guard sa Disyembre.
