Labis na ikina-aliw ng mga kandidata ng Miss Universe ang kanilang biyahe sa Baguio City.
Maliban sa Mini Panagbenga Parade, nakisayaw din sila sa tradisyunal Pattong ng mga katutubo ng Kalinga at Mountain Province kasama si Ms. Universe Pia Wurtzbach.
Namangha rin ang mga kandidata sa strawberry garden sa Baguio Country Club kung saan, nag-enjoy sila sa pamimitas ng mga strawberry sa lugar.
Hinarana naman ng mga igorot ang mga kandidata sa ipinatawag na hapunan ni Baguio City Mayor Mauricio Domogan.
Inabangan din ng libu-libong residente gayundin ng mga turista sa lugar ang mga kandidata.
Tatlong float ang sinakyan ng bawat batch ng mga kandidata na sumisimbulo sa Luzon, Visayas at Mindanao.
Inabangan din sa nasabing parada ang float ni reigning Miss Universe Pia Alonzo Wurtzbach.
Agad dumiretso sa Baguio Country Club ang mga kandidata kung saan isinagawa ang iba pang mga aktibidad tulad ng tree planting, strawberry picking, arts and culture activities, invitational golf tournament at gala dinner.
By Jaymark Dagala
Photos From: DOT
