Handang patunayan ni Pangulong Rodrigo Duterte ang mga offshore accounts ni Senador Antonio Trillanes IV sa mga susunod na araw.
Paliwanag ng Pangulo, ang maigting na kampaniya kontra money laundering at terorismo ang naging dahilan kaya’t nalaman nila ang mga sinasabing accounts ni Trillanes sa ibang bansa.
Giit ng Pangulo, mga Tsino ang kasama ni Trillanes sa mga joint account nito, ngunit mahirap aniyang buksan dahil sa umiiral na Bank Secrecy Law.
Kasunod nito, tiniyak ng Pangulo na ikinakasa na nila ang kasong isasampa laban kay Trillanes dahil sa kuwesyunableng laki ng halaga ng perang iniingatan nito.
SMW: RPE
