Itinakda ng Metropolitan Manila Development Authority (MMDA) sa Hulyo 30, ang earthquake drill, para sa buong Metro Manila.
Ito ay matapos pulungin ang 84 na kapitan ng mga barangay sa Metro Manila, para plantsahin ang mga maaring gawin, sakaling tumama ang malakas na lindol sa NCR.
Ayon sa MMDA, sinisikap nilang makabuo ng consolidated preparedness plan para buong Metro Manila at mga kalapit nitong lalawigan.
Una nang inilabas Philippine Institute of Volcanology and Seismology (PHIVOLCS) ang mapa ng West Valley Fault, kung saan makikita ang fault line na tumatawid sa bahagi ng Quezon City, Marikina, Pasig, Makati, Taguig, Muntinlupa, Bulacan, Rizal, Cavite at Laguna.
By Katrina Valle
