Patay ang isang mag-asawa at 4 na iba pa ang sugatan matapos masabugan ng granada sa Zamboanga City.
Kinilala ni Chief Inspector Joel Tutuh, hepe ng Zamboanga Police, ang mga nasawi na sina Danilo Ocampo at Marites Ocampo habang isinugod naman sa ospital ang mga bata.
Sa inisyal na pagsisiyasat, nagkaroon ng mainitang pagtatalo ang mag-asawa sa kanilang tahanan sa Sitio Agrarian, Barangay Patalon.
Aksidente umanong natanggal ng lalaki ang “pin” ng granada dahilan upang ito’y sumabog kung saan dead on the spot ang mag-asawa.
Patuloy pa ring iniimbestigahan ang naturang insidente.
By Jelbert Perdez
