Hawak na ng Quezon City Police District (QCPD) ang listahan ng mga parokyano ni starlet Krista Miller sa negosyo ng iligal na droga.
Ayon kay QCPD Director Senior Supt. Guillermo Eleazar, nagbigay na si Miller ng listahan ng mga pangalan na binibentahan nito ng droga at kabilang dito ang mga ordinaryong sibilyan at mga artista.
Subalit sinabi ni Eleazar na susuriin muna nila ng mabuti ang mga pangalang binanggit ni Miller bago targetin sa police operations ang mga ito.
Binigyang diin ni Eleazar na humahaba na ang kanilang drug watchlist dahil sa mga ikinakanta ng mga nahuhuli nilang drug personalities.
By Judith Larino | Jonathan Andal (Patrol 31)
