Sinuspinde na ng Land Transportation Office o LTO ng tatlong buwan ang driver’s license ng isang jeepney driver matapos umanong bastusin at hipuan ang isang pasahero.
Ayon kay Assistant Secretary Roberto Cabrera, ang pagkakasuspinde ng lisensya ni Emmanuel Hanopol Escalona ay nag-ugat sa reklamo ng isang Rexalita Bonifacio.
Matatandaang nag-viral sa social media ang video ni Escalona na nagpapakita ng pambabastos niya kay Bonifacio na mariin naman nitong itinanggi.
Sinasabing lumundag pa mula sa jeepney ang biktima matapos umano itong hipuan ng naturang tsuper.
By Jelbert Perdez
