Nagbigay ng libreng sakay ang LTFRB o Land Transportation Franchising and Regulatory Board sa mga psaherong na-istranded dahil sa ikinasang tigil pasada ng grupong Stop and Go Coalition.
Ayon kay LTFRB Board Member Aileen Lizada, nasa 70 bus ang kanilang idineploy sa 7 lugar na kinabibilangan ng Monumento, SM Marikina, Luneta Parade Ground, HK Sun Plaza, UP Technohub sa Quezon City, MMDA Parking Lot at sa Kampo Aguinaldo.
Binigyang diin ni Lizada na iisang grupo lamang ang nagkasa ng transports strike ngayong araw habang buo aniya ang suporta sa pamahalaan ng mga natitira pang grupong pang-transportasyon.
Matatandaang ugat ng tigil pasada ng grupong Stop and Go ang plano ng pamahalaan na pag-phase out sa mga jeepney.
—-
