Tinatayang kalahating milyong lokal at dayuhang turista ang inaasahang daragsa sa Baguio City sa pagsalubong sa Bagong Taon.
Posibleng umabot naman sa 15,000 sasakyan ang bibiyahe papasok at palabas ng City of Pines kaya’t inaasahan na rin ang mabigat na daloy ng trapiko.
Dahil dito, inaprubahan na ni Baguio City Mayor Mauricio Domogan ang suspension ng administrative order 172 o number coding scheme para sa private vehicles sa buong holiday season.
Gayunman, umaapela si Domogan sa mga motorista na sundin ang traffic rules and regulations ng lungsod upang maiwasan ang malaking perwisyong dulot ng traffic lalo sa mga pangunahing kalsada hanggang sa kalapit na bayan ng la trinidad, benguet.
Bukod sa Metro Manila, marami ring motorista at pasahero sa summer capital ang naperwisyo ng matinding traffic sa kasagsagan ng Asia-Pacific Economic Conference noong Nobyembre.
By: Drew Nacino
