Nakadaong na rin at pinayagang makababa ang mga pasahero ng MS Westerdam sa Cambodia matapos unang tanggihan ng mga naunang bansa na pinuntahan nito dahil sa banta ng COVID-19.
Kinumpirma ni US ambassador to Cambodia Patrick Murphy na nabigyan ng otorisasyon ang barko para makadaong sa Cambodia kung saan magtatapos ang cruise.
Pagkababa ng mga pasahero isinakay ang mga ito sa isang chartered flight sa Phnom Penh pauwi sa kani-kanilang mga lugar.
Tiniyak ng kumpanya na sila ang magbabayad ng flight tickets ng mga pasahero at ibabalik din ang 100% na ibinyad ng mga pasahero sa nagkaaberyang cruise nila.
