Nilamon ng sunog ang isang sangay ng Eastwest Bank sa Makati City dakong 12:24 kanina.
Batay sa ulat ng Makati City Fire Department, nangyari ang sunog sa panulukan ng Evangelista at Mojica Streets.
Tumagal ng 30 minuto ang sunog subalit naapula rin ito dakong 1:00 ng hapon.
Bagama’t wala namang nasugatan sa insidente, patuloy na iniimbestigahan ang sanhi ng sunog at kung magkano ang kabuuang pinsala nito.
