Gumugulong na ang fact finding investigation ng Office of the Ombudsman laban kay Solicitor General Jose Calida.
Kinumpirma ni Ombudsman Conchita Carpio Morales na nagsimula nang mangalap ng datos ang kanilang field investigators upang alamin kung mayroon sapat na basehan upang pormal na kasuhan at isalang sa preliminary investigation si Calida.
Kabilang anya sa inaalam ng field investigators ay kung nabigo si calida na i-divest ang kanyang majority share sa security agency na pag-aari ng kanilang pamilya kahit noong panahong naupo na siya bilang SolGen.
—-
