Nagmistulang ilog ang ilang bahagi ng Sta. Mesa at Sampaloc sa Maynila matapos mag-leak ang isang tubo ng Maynilad pasado alas-12:00 kaninang hatinggabi.
Ayon kay Maynilad Media Liason Officer Grace Laxa, naisara na nila ang ilang service pipes subalit patuloy pa rin ang paglabas ng tubig.
Inamin ni Laxa na mayroon silang inaayos na leak sa bahagi ng magsaysay sa Sampaloc area na maaaring naging dahilan din nang pagkasira ng tubo kayat bumulwak ang tubig kaninang hatinggabi.
Sa ngayon aniya ay tinututukan nila ang repair ng damaged pipes habang inaalam din ang pinagmulan ng nasabing leak.
Apektado ng nasabing leak ang tinatayang 4,000 customer ng Maynilad sa Sampaloc at Sta. Mesa.
By Judith Larino
