Mahigit 6,000 mga dayuhang nagtatrabaho sa mga POGO o Philippine Offshore Gaming Operators ang wala pa ring AEP o Alien Employment Permits at SWP o Special Working Permits.
Ito ang inihayag ni Department of Labor and Employment Bureau of Local Employment Director Nikki Tutay sa kanyang pagdalo sa pagdinig ng Senado hinggil sa pondo ng kagawaran para sa susunod na taon.
Ayon kay Tutay, sa kanilang talaan nito Hunyo, mahigit 57 mga dayuhang manggagawang nagtatrabaho sa 177 POGO service providers na ang kanilang isinailalim sa inspeksyon
Sa nabanggit na bilang aniya, mahigit 8,000 pa ang walang pa ring permit bagama’t nasa 1,700 na ang nakasunod sa mga rekisito sa pagpoproseso para makakuha nito.
Kaugnay nito, muling binalaan ni Senate Committee on Labor Chairman Joel Villanueva na ipasasara ang mga POGO na mabibigong sumunod sa kautusan ng DOLE gayundin ang mga hindi nakapagbabayad ng tamang buwis.
