Handang harapin ni Ginang Patricia Paz Bautista ang mga kasong isinampa laban sa kaniya ng mister na si COMELEC Chairman Andres Bautista.
Ayon sa abogado ni Ginang BAUTISTA na si Atty. Martin Loon, hindi natatakot ang kaniyang kliyente dahil kumpiyansa siyang mananalo sila sa kaso.
Malinaw naman aniyang isa lamang na panghaharass lamang sa panig ng COMELEC Chair ang mga kaso upang patahimikin ang asawa nito sa kaniyang pagsisiwalat.
Kasunod nito, inihahanda na rin ng kampo ni Ginang Bautista na magsampa ng kaso laban sa mga kasabwat ng kaniyang mister upang maitago ang kayamanan nito.
Bagama’t hindi pa maaaring sampahan ng kaso sa ngayon ang poll chief dahil sa immunity from suit bilang isang impeachable official, sinabi ni Atty. Loon na kanila itong ihahain sa takdang panahon upang mapanagot ito sa batas.
