Nakapagtalaga na ang DOJ ng piskal para tumutok sa kaso laban sa mga opisyal ng Kapa Community International.
Ayon kay Justice spokesman Mark Perete, nakabuo na sila ng panel of prosecutors matapos maisampa ang kaso sa en banc laban sa mga opisyal na isinasangkot sa investment scam.
Hinihintay na lamang ang pagpapalabas ng subpoena at itatakdang schedule ng mga pagdinig para sa preliminary investigation sa naturang usapin.
Una nang nagpalabas ng look out bulletin order sa immigration si Justice secretary Menardo Guevarra laban sa walong incorporators at walong opisyal ng Kapa Community Ministry kasama na ang tatlong opisyal ng Alabel Maasim Credit Cooperative.
