Nasagip ng mga awtoridad ang isang negosyante at naaresto ang mga dumukot dito sa isang rescue operation sa Matnog, Sorsogon.
Kinilala ni Senior Supt. Roberto Fajardo, Director ng PNP-Anti-Kidnapping Group, ang biktima na si Giovanni Rosario Tan.
Nasamsam naman ang mga high-powered firearms mula sa mga suspek na sina Marlon Altizo, Jemmel Cinco, Rolly Falcon, Drackilou Falcon at Abigail Lapinid.
Matatandaang dinukot ng mga suspek si Tan mula sa isang piggery farm sa Tarlac City noong December 10.
Subalit nahagip ng CCTV ang insidente kaya’t natunton ang lugar na pinagdalhan sa biktima at nadakip ang mga ito.
By Jelbert Perdez
